Piglat ni Ayat

(request by a friend)

Wen man laengen
Sumbatan kan
Inay-ayat ka
Tandaanam dayta
Anya man maaramid
Haan mo lipatan
Inayat ka,ay-ayaten ka---


"Ahhh! Sabong ti bibig
No duwa nga puso ket nagsarak
Ramaken na amin
Awan makalepped"...


Sinurot dalan ni Ayat
Nasarakak kinunak
Ragsak inyindayonnak
Haanen makaturog
Haanen makapangan
Tinubwan kammoro
Toktok iti agong..
Anya daytoy a rikna?
INLOVE kan kabsat
Dakessen kinunak...


Awan dakes na
Inayat nak-inayat ko isuna
Nagtikep duwa a Puso
Bimmunga!!!
Nagsapata da a duwa!!!


Dimteng ti Bagyo
Nabual da a duwa
Nabati RAMOT a maysa..


Ti rugi na,immangin a bigla
Intudo na,inkimat
Ingur-ruod na sika (bagyo)...


Haan kon nalappedad
Immarubos iti luwa
Inriyaw ko apay kastoy
Ni AYAT! No daddoma
Komillo ti dalan na!!!!


Epey-peyeng ko laengen
No malagip ko sika
Esem-esemak laengen
Makitak litrato nabiag
A nakapinta...


Sakit ti nakem?
Awan kanyakon dayta..
Kuna da garod
Haan nga para kanyata a duwa...


Piglat ni Ayat Nagmarka
An-anwem man,adatta latta
Maysa laengen nga lagip,
Pakalaglagipan a kunada..


"parad saramay atibakyang"
agkayo kumon umbabarong,
Imis kayo labat...


P.s.,mahal pa rin kita...

Nabalitukan A Gamet

Kumustan?
Maysa nga ubing,naiyanak,nasayaat,naembag...
Ay Biag,..Adda kiyad adda Un-nat
Sangka birok-sangka iyapoy,
Basta awan agsakit,naragsak..
Kilabban,inkirog..inyinom kape,
Integ-ab,bus-sog,..Ay salamat nabsog!!
Aguray ta Kumanta ak..
Kansiyon me,kenni apong lakay
Daydi pay nabiag...
Narigat iti mannalon,nasapa a bumangon
Alaen na tay bunubon,ipan na diay taltalon
Sumampet iti rabei,biroken na iti basi
Uminom sanga bote,maturog awan koti...
Puy-poy-yapong nagsida kami tarong
Tarong nga inlambong,ngem apan met kinalong
tay aso nga agu-uyong..
Pagraramanan ta iso iti biag,
Rigat ken nam-ay,..
Ni APO DIOS pagkamangan...
Paskua manen,manarimaan,
Pinagbalkot,sagbabas-sit
nga maited,basta nagtalinaed
iti Pusom nga nangited..
Makita-Mangeg,Ragsak tay nakaawat,
Riknaem tay PUSOM,..
Kabog!!!-Kabog!!! Nagsayaaten.